Сеп
ЦПЛИП – ПОРАКА Струмица од месец септември 2020 г. започна со реализација на проектот „Транспарентна ПОРАКА“, финасиски помогнат од Општина Струмица, преку Програмата G1 од Буџетот на Општина Струмица за 2020 г.
Општата цел на проектот е зајакнување на организациските капацитети за транспарентно работење и приспособено инфморирање за справување со предизвиците на лицата со попреченост.
Конкретна цел на проектот е за 7 (седум) месеца да развиеме 9 (девет) алатки за траснпарентно, отчетно и приспособено информирање за програмските активности на Органзиацијата и предизвиците со кои се соочуваат лицата со попреченост.
Првиот пакет активности опфаќа публикување и печатење инфорграфици со информации од наративен и финансиски годишен извештај за 2019 г. и годишна 2020 г., а во насока да се подобрат практиките за транспарентно известување за програмските активности и реализираните активности и финасиски средства на Организацијата.
Централно место во проектот заземаат креативните работилници за креирање инфограмици со приспособени и лесно читливи информации, совети и чекори за грижа за општото здравје и остварување на правата на лицата со попрченост. Соочени со новите глобални предизвици, а кои го вклучија алармот за поголема грижа за општото здравје, а соочени и со ризикот од погрешната, нецелосна и неприспособена информација, целта на оваа активност е да креираме инфограмици кои ќе нудат приспособени и лесно читливи информации, совети и чекори за поголема заштита и спрчување на ширење на COVID-19 и други вируси и грипови и грижа за општото здравје.
Исто така, во рамки на проектот ќе се изработи и публикува брошура со наслов: „ПОРАКА во изминатата деценија: постигнати резултати“, а ќе се креираат и нови платформи на социјалните медими (Instagram и Twitter).
Особен акцент ќе се стави на креирање на веб-страна, која ќе има изглед и функционалности кои ќе им помогнат на лицата со попреченост (интелектуална, дислексија, аутизам, глуви, слепи) лесно и едноставно да ги читаат веб содржините, совети за превенција и заштита, информации за остварувања на правата на лицата со попреченост од областа на социјалната заштита и информации и совети за заштита и спрчување на ширење на COVID-19 и други вируси и грипови и грижа за општото здравје.
Вкупниот буџет на проектот изнесува 232.260,оо денари, од кои 200.000,оо денари се финасиска поддршка од Општина Струмица, а 32.260,оо денари сопствено учество на Организацијата и РЦПЛИП – ПОРАКА Скопје.
Проектот ќе трае од септември 2020 г. до март 2021 г.
Следете ја нашата ТРАНСПАРЕНТНА ПОРАКА!
